Dek 01 , 2016 | 05:01 / Mühüm hadisələr
5-9 dekabr 2016-cı il tarixlərində Azərbaycan Milli Elmlər Akademiyası Fizika İnstitutunun təşkilatçılığı, AMEA Rəyasət Heyəti və Azərbaycan Respublikasının Prezidenti yanında Elmin İnkişafı Fondunun dəstəyi ilə ölkəmizdə XIV Asiya-Sakit Okean hövzəsi ölkələrinin Kvant İnformatikası Elmi konfransı və seminarı (APCWQIS-2016) keçiriləcək. Konfransda 50-yə yaxın yerli və xarici nüfuzlu alimin iştirak edəcəyi və müxtəlif mövzularda mühazirələr oxuyacağı gözlənilir.
Tədbirin açılış mərasimi dekabrın 5-də saat 11:00-da AMEA-nın Əsas binasında baş tutacaq.
Qeyd edək ki, Asiya-Sakit Okean hövzəsi ölkələrinin Kvant İnformatikası Elmi konfransı və seminarı bundan öncə Sinqapur, Cənubi Koreya, Avstraliya, Çin, İsrail, Malaziya, Tayvan və Yeni Zelandiya kimi ölkələrdə təşkil olunub.
