AMEA MƏRKƏZİ NƏBATAT BAĞI GƏNC ALİM VƏ MÜTƏXƏSSİSLƏR ŞURASININ SƏDRİ GÜRCÜSTANDA TƏDBİRDƏ İŞTİRAK EDİB
Dek 06 , 2016 | 01:00 / Mühim hadisələr
Oxunma ( 507 )

AMEA Mərkəzi Nəbatat Bağının Gənc alim və mütəxəsislər şurasının sədri, doktorant  Fərid Seyfullayev Gürcüstanın Tbilisi şəhərində  keçirilən  “I Qafqaz dağları forumu” adlı beynəlxalq tədbirdə iştirak edib. Dünyanın 11 ölkəsindən alim və mütəxəssislərin qatıldığı tədbirdə iqlim dəyişiklikləri sahəsində tədqiqat aparan alimlərin məruzələri dinlənilib. İqlim dəyişikliyinin Qafqaz dağlarının bitki ötüyü, ekositemi və ekoloji şəraitinə təsiri məsələləri müzakirə edilib.

Tədbirdə F.Seyfullayev “İqlim dəyişikliklərinin Azərbaycanda relikt-Şabalıdyarpaq palıd ağaclarına təsiri” mövzusunda çıxış edərək palıdın təbii yayıldığı ərazilərdə apardığı tədqiqatların nəticələrini təqdim etmişdir. F.Seyfullayev göstərmişdir ki, son illərdə iqlim dəyişikliklərinin təsirindən Şabalıdyarpaq palıd üzərində daha çox şaxta yaralarının müşahidəsi yeni mikro iqlimin formalaşmasından xəbər verir. Məruzə iştirakçılar tərəfindən maraqla qarşılanıb, mövzu ətrafında müzakirələr aparılıb.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.