Qafqazşünasların I Beynəlxalq Forumu keçiriləcək
Fev 15 , 2017 | 10:00 / Mühüm hadisələr
Oxunma ( 2592 )

AMEA-nın Qafqazşünaslıq İnstitutu Qafqazşünasların I Beynəlxalq Forumunu keçirir. Forumda əsasən aşağıdakı məsələlər müzakirə olunacaq:

- Qafqaz ölkələrinin sosial-iqtisadi və siyasi vəziyyəti;

- Qafqazın geosiyasəti;

- Qafqaz ölkələrinin qarşılıqlı münasibətləri;

- Böyük dövlətlərin və qonşu ölkələrin Qafqaz siyasəti;

- Qafqazda münaqişələr.

Forumda iştirak etmək istəyənlər tezis və məruzələrini Azərbaycan, rus və ya ingilis dillərində   caucasus.forum@mail.ru və info@institutecaucasusstudies.org e-mail ünvanlarına göndərə bilərlər:           

Tezislərin  hazırlanması və göndərilməsi:

- 300 kəlmədən çox olmamalı, Microsoft Word A4 ölçüdə, Times New Roman, 12 şrift, 1 intervalla, soldan 3 sm, sağdan 1 sm, yuxarı və aşağıdan 2 sm, abzaslar 1.15 sm. parametrlərinə uyğun olmalıdır;

- Müəllifin adı, soyadı, elmi dərəcəsi, vəzifəsi, işlədiyi elmi müəssisənin adı, elektron poçt ünvanı (e-mail) və əlaqə nömrəsi səhifədə yuxarıda sağda 12 şriftlə, qara hərflərlə yazılmalıdır;

- Mətnlər 5 fevral  2017-ci il tarixinə qədər göndərilməlidir;

- Tezislər, alimlərin daxil olduğu heyət tərəfindən Forumun mövzusuna uyğunluğu, elmi aktuallığı və orijinallığı baxımından seçiləcək. Müəlliflər 20 fevral 2017-ci il tarixinə qədər  məlumatlandırılacaqlar.

Məruzə mətnlərinin hazırlanması və göndərilməsi:

- Microsoft Word A4 ölçüdə 7-10 səhifə həcmində, Times New Romanda, 12 şrift, 1 intervalla, soldan 3 sm, sağdan 1 sm, yuxarı və aşağıdan 2 sm, abzaslar 1.15 sm. parametrlərinə uyğun yazılmalıdır;

- Titul səhifədə yuxarıda sağda 12 şriftlə, qara hərflərlə müəllifin adı, soyadı, elmi dərəcəsi, vəzifəsi, işlədiyi elmi müəssisənin adı, elektron poçt ünvanı (e-mail) və əlaqə nömrəsi yazılmalıdır;

- Müəllifin ad və soyadından sonra səhifənin ortasında məruzənin adı 12 şriftlə, böyük qara hərflərlə yazılmalıdır;

- Məruzənin adından sonra tezisi də əlavə edilməklə, Azərbaycan, ingilis və rus dillərində açar sözlər, giriş, əsas mətn, nəticə və istifadə edilmiş ədəbiyyat siyahısı yazılmalıdır;

- Məruzənin sonunda Azərbaycan, ingilis və ya rus dillərində qısa xülasə verilməli, xülasədə məruzənin adı da qeyd edilməlidir;

- Müəllifin istifadə etdiyi mənbələr “İstifadə edilən ədəbiyyat siyahısı” başlığı altında əlifba sırası ilə verilməli və mətndə ona uyğun kodlaşdırma aparılmalıdır;

- Rəsmlər, tablolar və qrafiklər olarsa, ayrı-ayrı nömrələnməli və altında qısa izahat verilməlidir;

- PowerPoint-dən istifadə edənlərdən əvvəlcədən məlumat vermələri xahiş olunur.

Məruzələrin son təqdimetmə müddəti 10 mart 2017-ci il tarixinə qədərdir. Göstərilən tarixədək məruzələri təqdim etməyənlər foruma dəvət olunmayacaqlar.

Forum 17-18 aprel 2017-ci il tarixlərində AMEA-nın Mərkəzi Elmi Kitabxanasında keçiriləcək.

Təşkilat komitəsi: AMEA Qafqazşünaslıq İnstitutu. Bakı ş., H.Cavid pr. 117, IV mərtəbə, 446-cı otaq;

Əlaqə nömrəsi: (+994 12) 539 89 55;

E-mail: caucasus.forum@mail.ru;  info@institutecaucasusstudies.org

© Bütün hüquqlar qorunur. Xəbərlərdən istifadə edərkən www.gencalimler.az saytına istinad zəruridir.

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.