Bu il də müəllimlik ixtisasını seçən 500-dən yüksək bal toplayan 300 tələbəyə "Gələcəyin müəllimi" təqaüd veriləcək
Avg 30 , 2017 | 01:00 / Mühüm hadisələr
Avg 30 , 2017 | 01:00 / Mühüm hadisələr
Oxunma ( 3739 )
Azərbaycan Respublikası Təhsil Nazirliyinin 17 sentyabr 2014-cü il tarixli 1002 nömrəli əmri ilə “Gələcəyin müəllimi təqaüdü” təsis edilmişdir. Təqaüd peşəkar bilik və kompetensiyalara malik pedaqoji kadrların hazırlanmasına, müəllim peşəsinin nüfuzunun yüksəldilməsinə xidmət edir.
Təqaüdün verilmə şərtləri:
- Hər il pedaqoji kadr hazırlığı aparılan ali təhsil müəssisələrinə qəbul imtahanlarında 500 və daha yüksək bal toplayan ilk 300 tələbəyə şamil olunur
- İxtisas seçimində birinci və ya ikinci sırada müəllimlik ixtisaslarını qeyd edərək ali təhsil müəssisələrinə qəbul olunan tələbələr arasından ixtisasları üzrə mütənasiblik gözlənilərək seçilir
- 2017/2018-ci tədris ilində ali təhsil müəssisələrinə qəbul olan 1-ci və 2-ci maddələrdə qeyd olunan şərtləri ödəyən tələbələr əlavə təqaüd alacaqlar
“Gələcəyin müəllimi təqaüdü”nün təqdim edilməsi nəticəsində yüksək nəticəli tələbələrin pedaqoji fakultələri seçmə göstəricisi 37% artmışdır.
Qeyd edək ki, 2014-cü ildən tətbiq edilən təqaüd proqramından 900-ə yaxın tələbə yararlanır.
