Noy 30 , 2017 | 01:02 / Mühüm hadisələr
Noyabrın 29-u Azərbaycan Milli Elmlər Akademiyasının Torpaqşünaslıq və Aqrokimya İnstitutunun Gənc Alim və Mütəxəssislər Şurasının 2017-ci ilin yekunlarına dair hesabatı keçirilib. Tədbirdə şuranın sədri, Fərid Mustafayev bu qurumun ötən ildəki elmi və elmi-təşkilati fəaliyyətinə dair hesabat məruzəsi ilə çıxış edib.
Bildirilib ki, 2017-ci ilin hesabat dövründə gənc alimlərimiz AMEA tərəfindən təşkil olunmuş bir sıra elmi seminar və tədbirlərin iştirak ediblər. O cümlədən, Kolumbiya Universitetitin dosenti, Noah D.Dreznerin məruzəçisi olduğu “Academic Publishing in US Peer-Reviewed Journals” mövzusunda, “GəncMİBB”im təşkilatçılığı ilə “CİS” – Coğrafi İnformasiya Sistemləri” mövzusunda seminarlarda gənclərimiz fəal iştirakçı olublar .Həmçinin Gənc Alimlər və Mütəxəssislər Şurasının təşkilatçılığı ilə Belçikanın “Pythagoras” BVBA şirkətinin nümayəndəsi Jan Van Looy və şirkətin Azərbaycan təmsilçisi olan “Rubikon Geosystems” MMC-nin nümayəndələri eyniadlı proqram təminatının təqdimat seminarı institutda təşkil olunub. İnstitutun böyük elmi işçisi Elton Məmmədovun Alman Akademik Mübadilə Xidmətinin ( DAAD) dəstəyi ilə Almaniyanın Martin Luter Universitetində 3 aylıq tədqiqat layihəsi kimi dəstəklənib.
Gənclərin kadr hazırlığına toxunan F.Mustafayev bildirib ki, cari ildə 3 gənc aqrar elmləri üzrə fəlsəfə doktoru adı almaq üçün müdafiə ediblər. Hazırda İnstitutda 1 nəfər magistr təhsili alır.