Fotos
AMEA-nın Kimya Elmləri Bölməsi illik ümumi yığıncaqla 2017-ci ilə yekun vurdu
Dek 25 , 2017 | 03:35 / Mühim hadisələr
Oxunma ( 305 )

AMEA-nın akademik M.Nağıyev adına Kataliz və Qeyri-üzvi Kimya İnstitutunda Kimya Elmləri Bölməsinin (KEB) illik ümumi yığıncağı keçirilib.

Əvvəlcə bölmənin cari ildə vəfat edən üzvləri - akademik Rəfiqə Əliyeva və AMEA-nın müxbir üzvü Nazil Canibəyovun xatirəsi 1 dəqiqəlik sükutla yad edilib.

İclasda AMEA-nın vitse-prezidenti, KEB-in akademik-katibi, akademik Dilqəm Tağıyev çıxış edərək gündəlikdə duran məsələləri tədbir iştirakçılarının diqqətinə çatdırıb.

Sonra Neft-Kimya Prosesləri İnstitutunun direktoru, akademik Vaqif Abbasov, Kataliz və Qeyri-üzvi Kimya İnstitutunun direktor müavini, AMEA-nın müxbir üzvü Məhəmməd BabanlıAşqarlar Kimyası İnstitutunun direktoru, akademik Vaqif Fərzəliyev və Polimer Materialları İnstitutunun direktoru, AMEA-nın müxbir üzvü Bəxtiyar Məmmədov çıxış edərək təmsil etdikləri qurumların 2017-ci ildəki elmi və elmi-təşkilati fəaliyyəti haqqında hesabatlarını təqdim ediblər.

Daha sonra hesabatlar ətrafında müzakirələr aparılıb, Bakı Dövlət Universitetinin rektoru, akademik Abel Məhərrəmov, Milli Nüvə Tədqiqat Mərkəzi Qapalı Səhmdar Cəmiyyətinin sədri, akademik Adil Qəribov və digərləri çıxış edərək hesabatların qənaətbəxş olduğunu bildiriblər.

Tədbirdə həmçinin, Kimya Elmlər Bölməsinin həqiqi və müxbir üzvlərinin hesabatları da dinlənilib.

Yekunda bölmə institutlarının, eləcə də KEB-də çalışan AMEA-nın həqiqi və müxbir üzvlərinin hesabatları qəbul olunub.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.