Azərbaycan xalqı seçkilərdə layiqli namizədə səs verəcək
Apr 02 , 2018 | 11:44 / Musahibələr, çıxışlar
Oxunma ( 424 )

Azərbaycanda formalaşmış seçki ənənəsi mövcuddur. Seçkilərin demokratik prinsiplərə və dünya standartlarına uyğun keçirilməsi üçün lazimi addımlar atılıb. Bu fikirləri sechki-2018.az saytına açıqlamasında AMEA Gənc Alim və Mütəxəssislər Şurasının İdarə Heyətinin üzvü, fəlsəfə doktoru Emin Bağırov bildirib.

O deyib ki, Azərbaycanın seçki qanunvericiliyi  demokratikliyi, mütərəqqiliyi baxımından əksər dünya ölkələrinə nümunədir: “Seçki Məcəlləmiz ölkəmizdə fəaliyyət göstərən bütün siyasi qüvvələrə bərabərhüquqlu mübarizə üçün sağlam şərait yaradıb. Seçkilərdə iştirak edən namizədlər İctimai Televiziyada əhali ilə birbaşa təmas qurmaq üçün pulsuz efir imkanlarına malikdirlər. Bundan əlavə, namizədlərin platformalarını şəhərin müxtəlif hissələrində nəzərdə tutulmuş yerlərdə təqdim etmələri üçün sərbəst şərait yaradılıb.

E.Bağırov əminliyini bildirib ki, Azərbaycan xalqı seçkilərdə  ölkəmizin elmi potensialının yüksəlməsi, böyük nailiyyətlər əldə etməsi üçün prespektiv vəd edən layiqli namizədə səs verəcək.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.