Fotos
Doktorant, magistr və gənc tədqiqatçıların “Kimyanın aktual problemləri” adlı XII Beynəlxalq elmi konfrans keçirilib
May 03 , 2018 | 06:59 / Mühüm hadisələr
Oxunma ( 1829 )

Bakı Dövlət Universitetində Ümummilli lider Heydər Əliyevin anadan olmasının 95-ci ildönümünə həsr olunmuş doktorant, magistr və gənc tədqiqatçıların “Kimyanın aktual problemləri” adlı XII Beynəlxalq elmi konfransı öz işinə başlayıb.

Konfransı giriş sözü ilə açan BDU-nun rektoru, akademik Abel Məhərrəmov Ulu öndər Heydər Əliyevin elm və təhsilin inkişafına böyük qayğı ilə yanaşmasından, həmin siyasətin Prezident İlham Əliyev tərəfindən uğurla davam etdirilməsindən, o cümlədən universitetdə elm-təhsil sahəsində həyata keçirilən layihələrdən danışıb. Rektor Abel Məhərrəmov ölkəmizdə kimya elminin inkişaf etdiyini, son illər Kimya fakültəsində yerinə yetirilmiş elmi-tədqiqat işlərinin keyfiyyətinin, yüksək indeksli jurnallarda dərc edilən elmi məqalələrin sayının daha da artdığını, fakültənin 2017- ci ildə elmi tədqiqat işlərinin yekunlarına görə “İlin fakültəsi” adını qazandığını qeyd edib.

Dekan, professor Abdulsəyid Əzizov çıxışında Azərbaycan Patent və Əmtəə Nişanları Mərkəzinin keçirdiyi "İxtiraçılıq sahəsində nailiyyətlərə görə V Respublika Müsabiqəsi"ndə qalib olan patentlər və mükafata layiq görülən alimlər barədə məlumat verib.

V Respublika Müsabiqəsində qalib gələn alimlərə və doktorantlara mükafatlar təqdim edildikdən sonra BDU-nun Üzvi kimya kafedrasının dosenti Arif İsmiyevin və rusiyalı alim Yekaterina Dobroxotovanın məruzələri dinlənilib.

Konfrans öz işini bölmə iclaslarında davam etdirib.

Qeyd edək ki, Rusiya, Türkiyə, Almaniya, Portuqaliya, Ukrayna və Gürcüstandan tədqiqatçıların qatıldığı iki gün davam edəcək konfransa 200-dən artıq tezis təqdim edilib.

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.