AMEA Botanika İnstitutunun gənc alimi beynəlxalq tədbirdə iştirak edib
May 15 , 2018 | 01:03 / Mühim hadisələr
Oxunma ( 289 )
AMEA Botanika İnstitutunun Təhsil şöbəsinin müdiri, b.ü.f.d., dosent Rəşad Səlimov Kolumbiyanın Medellin şəhərində Biomüxtəliflik və Ekosistem Xidmətləri üzrə Hökumətlərarası Elm-Siyasət Platformasının(IPBES) VI plenar sessiyasında iştirak edib.
 
Tədbirin açılışnda Kolumbiyanın prezidenti, Nobel Sülh mükafatı laureatı Xuan Manuel Santos Kalderon, Ekologiya və davamlı inkişaf naziri Luis Gilberto Murillo və Medellin şəhərinin meri Federico Gutiérrez Zuluaga da  iştirak ediblər.
 
Tədbirin keçirilməsində əsas məqsəd  IPBES-ə daxil olan dünyanın 129 üzv dövlətlərinin nümayəndələri tərəfindən 6 Regional və 1 Tematik Qiymətləndirmə sənədlərini təsdiq etmək idi. Bu sənədlərdə regional və subregional səviyyələrdə biomüxtəlifliyin qorunması və davamlı istifadəsi, ekosistem funksiyaları və xidmətlərinə dair müasir vəziyyətin obyektiv elmi qiymətləndirməsi öz əksini tapmışdır. Bu isə öz növbəsində elm-siyasət qarşılıqlı əlaqəsini gücləndirməyə xidmət edəcəkdir.
 
Plenar iclas çərçivəsində həyata keçirilmiş digər mühüm tədbirlərdən biri də IPBES Gənc mütəxəssisləri üçün elm-siyasət interfeysi ilə bağlı seminarın təşkili idi. Seminar gənc mütəxəssislərin biomüxtəlifliyin davamlı istifadəsi və ekosistem xidmətləri sahəsində səylərini və əməkldaşlığını artırmağa xidmət edib.
 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.