Fotos
AMEA Genetik Ehtiyatlar İnstitutunun gənc tədqiqatçısı Meksikada elmi ezamiyyətdə olub
İyn 06 , 2018 | 06:00 / ELMİN TƏBLİĞİ
Oxunma ( 5442 )

Azərbaycan Milli Elmlər Akademiyası Genetik Ehtiyatlar İnstitutunun Gənc Alim və Mütəxəssislər şurasının sədri, Molekulyar-sitogenetika şöbəsinin elmi işçisi Məhəmməd Eldarov 3 aylıq Meksikada ezamiyyətdə olmuşdur.

O, “Mərkəzi Asiya və Qafqaz ölkələri üzrə Buğdanın Yaxşılaşdırılması” adlı beynəlxalq təlim proqramının qalibi olmuşdur. Proqram Dr.Sanjaya Rajaram, FAO-SEC və CIMMYT-Türkiyə fondları tərəfindən dəstəklənmişdir. Bu səbəblə M.Eldarov Mexikoda yerləşən CIMMYT-in baş qərargahında (Buğda və Qarğıdalının Yaxşılaşdırılması üzrə Beynəlxalq Mərkəz) “Buğdanın Yaxşılaşdırılması” adlı beynəlxalq təlim kursunda iştirak etmişdir. Həmçinin təlimdə ABŞ, Avstraliya, Çin, Efiopiya, Hindistan, İran, Qazaxıstan, Nepal, Özbəkistan, Tacikistan, Tunis, Türkiyə kimi ölkələrdən gənc tədqiqatçılar iştirak etmişdir.

M.Eldarov ezamiyyət müddətində dünya şöhrətli alimlərin mühazirələrini dinləmiş, müzakirələr aparmış və ən son metodikaları dərindən mənimsəmişdir. O, təlim kursunu müvəffəqiyyətlə tamamlayaraq 2 Beynəlxalq sertifikata layiq görülmüşdür.

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.