Fotos
AMEA Yüksək Texnologiyalar Parkı Mərkəzləşdirilmiş analitik laboratoriyasını istifadəyə verdi
İyn 27 , 2018 | 06:00 / Görüşlər
Oxunma ( 2180 )

İyunun 27-də AMEA YT Parkda Mərkəzləşdirilmiş analitik laboratoriyanın açılış mərasimi olub. 

Laboratoriyanın açılışında AMEA-nın prezidenti, akademik Akif Əlizadə, AMEA-nın vitse-prezidenti, akademik İbrahim Quliyevİşlər İdarəsinin müdiri, siyasi elmlər doktoru Fətəli Abdullayev, Neft-Kimya Prosesləri İnstitutunun direktoru, akademik Vaqif AbbasovPolimer Materialları İnstitutunun direktoru, AMEA-nın müxbir üzvü Bəxtiyar Məmmədov və YT Parkın məsul əməkdaşları iştirak ediblər.

Öncə laboratoriyanın rəmzi açılışını bildirən lent kəsilib.

Açılış mərasimində çıxış edən akademik Akif Əlizadə bildirib ki, Mərkəzləşdirilmiş analatik laboratoriyanın yaradılması elm və təhsilin inteqrasiyası üzrə qəbul olunan birgə Fəaliyyət Planına əsasən, AMEA YT Parkın fəaliyyət profili üzrə elmi tədqiqat və təcrübə-konstruktor imkanlarının genişləndirilməsinə mühüm töhfələr verəcək.

Akademik A.Əlizadə MDB ölkələri arasında ilk olan bu laboratoriyanın əhəmiyyətini qeyd edərək, onun AMEA-nın elmi müəssisə və təşkilatlarında aparılan elmi tədqiqatların keyfiyyətinin artırılmasına xidmət edəcəyini vurğulayıb. Alim ən müasir cihazlarla təchiz edilmiş laboratoriyanın yeni imkanlara yol açacağına əminliyini ifadə edib.

“Azərbaycanın uzunmüddətli inkişaf konsepsiyasının əsas hədəflərindən biri də respublikamızda biliklər cəmiyyətinin qurulmasıdır”, – deyə bildirən akademik A.Əlizadə bu məqsədlə sosial tərəqqi modeli kimi “elm-təhsil-istehsalat” qızıl üçbucağının yaradılmasının vacibliyini qeyd edib. Bildirib ki, bu isə elm və təhsilin tədris prosesində, texnoparklarda, elmi-tədqiqat laboratoriyalarında birgə iştirakı, həmçinin kadr potensialı və maddi-texniki bazanın imkanlarının məqsədyönlü koordinasiyasını tələb edir.

Sonra çıxış edən Mərkəzləşdirilmiş analitik laboratoriyanın müdiri Kamal Yusifov bu müəssisənin fəaliyyət istiqamətləri barədə ətraflı məlumat verərək, laboratoriyanın sınaq otaqlarının ən müasir cihaz və avadanlıqlarla təchiz edildiyini diqqətə çatdırıb. Qeyd edib ki, beynəlxalq sınaq metodlarına uyğun tam komplektə edilmiş analitik laboratoriya gələcəkdə AMEA və respublikamızdan kənarda çalışan alimlər üçün fundamental tədqiqat mərkəzinə çevriləcək.

K.Yusifovun sözlərinə görə, laboratoriya sınaqların nəticələrinin obyektivliyini və dəqiqliyini təmin etmək, sınaq avadanlığı və ölçmə vasitələrini lazımi səviyyədə saxlamaq, onların vaxtında attestasiyasını, yoxlanmasını, xidmət səviyyəsini və təmirini həyata keçirmək, sınaqların aparılması üçün müəyyən olunmuş müddətlərə riayət etmək və s. kimi vəzifələri yerinə yetirəcək.

Daha sonra AMEA rəhbəri Təcrübə Sənaye Zavodunun elmi-tədqiqat sınaq laboratoriyasının fəaliyyəti və burada quraşdırılan müasir avadanlıqlarla tanış olub.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.