Fotos
AMEA-nın bir qrup gənc alimi mükafatlandırıldı
İyn 29 , 2018 | 06:38 / Elmi müsabiqələr
Oxunma ( 1945 )

İyunun 29-da keçirilən Azərbaycan Milli Elmlər Akademiyası Rəyasət Heyətinin iclasında ümummilli lider Heydər Əliyevin 95 illik yubileyi münasibətilə gənc alimlər üçün elan olunmuş müsabiqənin qalibləri mükafatlandırılıblar. Qaliblərə mükafatları AMEA-nın prezidenti, akademik Akif Əlizadə təqdim edib.
Akademiya prezidentinin 5 aprel 2018-ci il tarixli sərəncamına əsasən, xalqımızın ümummilli lideri Heydər Əliyevin anadan olmasının 95 illiyi münasibətilə akademiyanın gənc alimləri üçün AMEA-nın Rəyasət Heyəti və Azərbaycan Həmkarlar İttifaqları Konfederasiyasının birgə müsabiqəsi elan olunub. Müsabiqənin keçirilməsində əsas məqsəd aktual və müasir elmi problemlərin həlli ilə bağlı tədqiqatlar aparan gənc alimlərin fəaliyyətini stimullaşdırmaq və onlara əlavə yaradıcılıq imkanları yaratmaqdır.
Müsabiqədə Akademiyanın 46 gənc alimi iştirak edib. Müsabiqənin nəticələrinə görə, mükafata 14 gənc alim layiq görülüb. Qaliblər Azərbaycan Həmkarlar İttifaqları Konfederasiyası tərəfindən mükafatlandırılıb.
I yerə Akademik Yusif Məmmədəliyev adına Neft-Kimya Prosesləri İnstitutunun böyük elmi işçisi Ziyarət Paşayeva və Qafqazşünaslıq İnstitutunun aparıcı elmi işçisi Elnur Kəlbizadə, II yerə Radiasiya Problemləri İnstitutunun mühəndisi Səbuhi Nuruyev və Nizami Gəncəvi adına Ədəbiyyat İnstitutunun böyük elmi işçisi Mehman Həsənov, III yerə Molekulyar Biologiya və Biotexnologiyalar İnstitutunun kiçik elmi işçisi Səmra Mirzəyeva və Şərqşünaslıq İnstitutunun elmi işçisi Ülkər Baxşiyeva layiq görülüblər.
Həvəsləndirici mükafatlara isə İnformasiya Texnologiyaları İnstitutunun kiçik elmi işçisi Günay İsgəndərli, Kataliz və Qeyri-üzvi Kimya İnstitutunun elmi işçisi Elmir Babayev, Coğrafiya İnstitutunun kiçik elmi işçisi Züleyxa Eyyubova, Dendrologiya İnstitutunun kiçik elmi işçisi Nigar Məmmədova, Dilçilik İnstitutunun böyük elmi işçisi Aysel Qəribli, Elm Tarixi İnstitutunun aparıcı elmi işçisi Amal Həsənli, Mikrobiologiya İnstitutunun baş laborantı Aytən Səfərova və Naxçıvan Bölməsinin Bioresurslar İnstitutunun böyük elmi işçisi Əfruz Nəsirova layiq görülüblər.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.