Bu gün AMEA Torpaqşünaslıq və Aqrokimya İnstitutu Gənc Alim və Mütəxəssislər Şurasının növbəti iclası keçirilib. Şura sədri Fərid Mustafayev çıxış edərək gündəlikdə duran məsələlər haqqında məlumat verib. “Doktorantların və gənc tədqiqatçıların XXII respublika elmi konfrans”nın keçirilməsi haqqında məlumat iclas iştirakçılarına təqdim edilib. Qeyd edilib ki, konfransda respublikada fəaliyyət göstərən ali təhsil müəssisələrində fəlsəfə doktorları proqramı üzrə təhsil alan doktorantlar və tədqiqatçılar , o cümlədən əcnəbi doktorant və dissertantlat iştirak edə bilər. Daha sonra Şura sədri AMEA Fizika İnstitutun Həmkarlar İttifaqı Komitəsinin təşəbbüsü və AMEA Azad Həmkarlar İttifaqının təşkilatçılığı ilə oktyabr ayında keçirilməsi nəzərdə tutulan II Spartakiada haqqında danışıb və qeyd edib ki, yarışlar idmanın 4 növü (futbol, stolüstü tennis, şahmat və dama)  üzrə keçiriləcək.