Dek 05 , 2018 | 02:00 / Mühüm hadisələr
4 dekabr 2018-ci il tarixində AMEA Torpaqşünaslıq və Aqrokimya İnstitutunun Elmi Şurasının növbəti iclası keçirilib. İclasda İnstitutun Gənc Alim və Mütəxəssislər Şurasının 2018-ci il üzrə illik hesabatı dinlənilib. Hesabat məruzəsi ilə İnstitunun Gənc Alim və Mütəxəssislər Şurasının sədri Fərid Mustafayev çıxış edib. Şura sədri bildirib ki, hesabat ilində gənc alimlər AMEA tərəfindən təşkil olunmuş bir sıra elmi seminar və tədbirlərdə iştirak ediblər. Həmçinin Gənc Alimlər və Mütəxəssislər Şurasının təşkilatçılığı ilə gənclərin potensialının artırılması, gələcəkdə savadlı kadrların hazırlanması məqsədi ilə İnstitutda elmi-praktiki seminarlar təşkil olunub.