Noy 12 , 2015 | 03:00 / Elmi nəşrlər
AMEA Mərkəzi Nəbatat Bagı AMEA-nın 70 illik yubileyinə həsr olunmuş tədbirlər çərçivəsində “Mərkəzi Nəbatat Bağında qızılgüllərin introduksiyası və seleksiyası” adlı canlı kolleksiyalardan ibarət sərgi təşkil edib. E.O. İsgəndər və M.R. Qurbanovun “Azərbaycanın nadir oduncaqlı bitkilərinin çoxaldılması və mühafizəsi” adlı kitabı və A.T.İsgəndərov, O.O.Qafarova, R.Ə.Əliyev və V.S.Fərzəliyevin “AMEA Mərkəzi Nəbatat Bağının Qızılgüllər kolleksiyası” adlı kataloqu çap olunub.
Bağın tarixi və fəaliyyəti haqqında video rolik hazırlanıb, buklet və broşur (3 dildə) nəşr olunub.
Yubileylə əlaqəli Sərgidə Mərkəzi Nəbatat Bağının əməkdaşlarının fəaliyyətini əks etdirən elmi nəşrlərlə yanaşı, qızılgüllərdən ibarət canlı kolleksiya da nümayiş olunur.
AMEA-nın 70 illik yubileyinə həsr olunmuş təntənəli iclasda Bağın bir qrup əməkdaşı Fəxri Fərmana layiq görülub.