AMEA Yüksək Texnologiyalar Parkı əməkdaşlıq əlaqələrini genişləndirir
Avg 02 , 2017 | 12:26 / Mühüm hadisələr
Oxunma ( 2804 )

2 avqust tarixində İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı AMEA Yüksək Texnologiyalar Parkı ilə tanış olub. Burada qonağa yaradılan şərait, potensial rezidentlərinin fəaliyyəti, eyni zamanda Texnologiyaların və İnnovasiya Məhsullarının Transferi Mərkəzi barədə ətraflı məlumat verilib. AMEA Təcrübə-Sənaye Zavodu və "Millers-Oils Azərbaycan" MMC-nin yağ istehsal sahələrinə baxış keçirilib. Qonaqlar AMEA YTP-nin mərkəzləşdirilmiş analitik laboratoriyası, pilotsuz uçan aparatların istehsal sahələri və radio ekoloji monitorinq sistemi ilə yaxından tanış olublar.

AMEA Yüksək Texnologiyalar Parkının direktoru, aqrar elmlər üzrə fəlsəfə doktoru Vüqar Babayev rəhbərlik etdiyi texnoparkın fəaliyyətinin genişləndirilməsi məqsədilə planlı şəkildə addımladıqlarını bildirib. Biliklərin kommersiyalaşdırılması, istedadlı gənclərin biznes ideyalarının dəstəklənməsini həyata keçirmək üçün yaxın vaxtlarda Biznes İnkubasiya Mərkəzinin açılacağını, bununla da ölkədə startapların inkişaf etdiriləcəyini qeyd edib. İqtisadiyyatın davamlı inkişafı və rəqabət qabiliyyətinin artırılması, müasir elmi və texnoloji nailiyyətlərə əsaslanan innovasiya və yüksək texnologiya sahələrinin genişləndirilməsi məqsədilə birgə əməkdaşlığın vacibliyini qeyd edib.

İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı ölkədə innovativ layihələrin dəstəklənməsi, elmin kommersiyalaşdırılması istiqamətində görülən işlərdən danışıb. Azərbaycan elminin dünyada baş verən elmi-texnoloji proseslərdə aparıcı mövqe tutması üçün yüksək texnologiyalar və innovasiya siyasətinə diqqətin artırılmasının əhəmiyyətli olduğunu bildirib. Bu sahədə AMEA YTP ilə əməkdaşlığın mühüm əhəmiyyət kəsb etdiyini deyərək gələcəkdə bu istiqamətdə bir sıra işlərin görüləcəyini qeyd edib.​

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.