AMEA Radiasiya Problemləri İnstitutunun əməkdaşları Axundzadə Hacı Vahid və Rəna Xankişiyevanın həmmüəllif olduqları "Synthesis, crystal structure and antibacterial studies of dihydropyrimidines and their regioselectively oxidized products" adlı məqalə "Web of Science" bazasına daxil olan "RSC Advances" jurnalında (İmpact Factor: 3.119, Q1 quartile) çap olunub. Məqalə dihidropirimidin əsaslı birləşmələrin və onların regioselektiv oksidləşmə məhsullarının sintezi, kristal quruluşunun və antibakterial göstəricilərinin öyrənilməsinə həsr edilib. Məqalə Fransa, İtaliya, Tunis və Azərbaycandan olan alimlərin birgə əməyi nəticəsində ərsəyə gəlib və bu məqalə həmmüəlliflərin artıq ikinci məqaləsidir.