"Akademik Elm Həftəliyi - 2015" Beynəlxalq Multidissiplinar Forumun 3-cü günü konfrans iştirakçıların poster təqdimatı ilə davam etdi. AMEA Geologiya və Geofizika İnstitutunun sərgi salonunda sistemli təşkil olunan bu təqdimat səhər saatlarından başlayaraq iştirakçı say çoxluğu ilə seçilirdi. Konfransın "Elmi tədqiqatlarda multidissiplinar yanaşma", "Nəzəriyyədən tətbiqə", "Canlı həyat və ekoloji təhlükəsizlik" və "İnformasiya texnologiyaların ən son nailiyyətləri" seksiyalarına daxil olan hər bir elm bölməsinə aid elmi təqdimatların uyğun sahələr üzrə ekspertləri və Təşkilat Komitəsinin üzvləri tərəfindən obyektiv qiymətləndirilməsi aparıldı. Hər bir iştirakçı apardığı tədqiqatların əsas yeniliyi və əldə olunan nəticələrin xülasəsini verməklə, sualları da cavablandırdılar.