Fotos
Gənc alimlər "Science City"də ağacəkmə kampaniyasında iştirak ediblər
Apr 19 , 2018 | 08:19 /
Oxunma ( 344 )

Aprelin 19-da Abşeron rayonu Saray qəsəbəsində inşa edilən “Science City” yaşayış kompleksinin ətrafında iməcilik və ağacəkmə aksiyaları keçirilib. Aksiyada AMEA-nın İşlər İdarəsi, Azad Həmkarlar İttifaqı, eləcə də akademiyanın digər elmi müəssisə və təşkilatlarının nümayəndələri və Gənc Alim və Mütəxəssislər Şurasının üzvləri iştirak ediblər.

Onlar öncə “Science City” yaşayış kompleksində aparılan tikinti və abadlaşdırma işləri ilə tanış olublar. Bildirilib ki, ekoloji təmiz ərazidə yerləşən kompleksdə müvafiq sosial infrastrukturun yaradılması, həmçinin ictimai iaşə, məişət, məktəb, uşaq bağçası və digər xidmət obyektləri üçün qeyri-yaşayış sahələrinin istifadəyə verilməsi nəzərdə tutulur.

Sonra təşkil edilmiş ekoloji aksiyada şam, sərv kimi ağaclar daxil olmaqla, 700-dən çox ağac əkilib, ərazidə təmizlik işləri aparılıb, yaşıllaşdırma və ətraf mühitin sağlamlaşdırılması kampaniyaları çərçivəsində bir sıra tədbirlər həyata keçirilib.

Məlumat üçün qeyd edək ki, AMEA əməkdaşlarının mənzil şəraitinin yaxşılaşdırılması məqsədilə tikilən “Science City” yaşayış kompleksinin həyəti və ətrafında böyük parkların salınması, 1, 2 və 3 otaqlı mənzillərin müasir dizaynda və yüksək keyfiyyətlə tikilməsi planlaşdırılır.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.