Fotos
Gənc alim və mütəxəssislərin problemləri müzakirə olundu
Apr 03 , 2014 | 12:00 / Monitorinq
Oxunma ( 597 )

AMEA-nın institut və təşkilatlarında monitorinqlər aparan AMEA Gənc alim və mütəxəssislər şurasının üzvlərinin növbəti görüşü Şərqşünaslıq İnstitutunda oldu.

İnstitutun gənc alimləri ilə görüşən Şura üzvləri gənclərin elmi potensialının artırılması, təşəbbüs və təkliflərinin stimullaşdırılması, layihə və proqramların maliyələşdirilməsi məsələləri ətrafında mükazirələr apardılar.

Görüş çərçivəsində institutun Gənc alim və mütəxəssislər şurasının sədri, tarix üzrə fəlsəfə doktoru Sübhan Talıblı elmi müəssisədə çalışan gənclərin fəaliyyətindən söz açdı, burada gənc kadrlara xüsusi önəm verildiyini, institut tərəfindən gənclərin daha geniş miqyasda elmi və elmi-təşkilatı fəaliyyətə cəlb olunması istiqamətində mühüm tədbirlərin həyata keçirildiyini bildirdi.

Şuranın monitorinq qrupunun rəhbəri, kimya üzrə fəlsəfə doktoru Əfsun Sucayev qeyd etdi ki, institut və təşkilatlarda keçirilən monitorinqlərin məqsədi gənclərlə bilavasitə ünsiyyət qurmaq, onların problemlərindən xəbərdar olmaq və təkliflərini dəyərləndirməkdir.

Görüşdə həmçinin, Şuranın daha səmərəli fəaliyyəti üçün institut və təşkilatlarda müasir informasiya texnologiyaları ilə təchiz olunmuş xüsusi otaqların təşkili, xarici elmi ezamiyyətlər və dil təkmilləşdirmə kurslarının təşkili, gənclərin sosial vəziyyətinin yaxşılaşdırılması və s. məsələlər ətrafında müzakirələr aparıldı.

AMEA Gənc alim və mütəxəssislər şurasının sədri, fizika üzrə fəlsəfə doktoru Famin Salmanovun gənclərin problemlərini AMEA rəhbərliyinə çatdırılacağını bildirdi, onların həlli istiqamətində lazımi tədbirlərin görüləcəyini vurğuladı.

 

Sonra institutun direktoru, professor Gövhər Baxşəliyeva ilə görüş keçirildi. İnstitutda gənc alimlərə daim diqqət göstərildiyini vurğulayan G.Baxşəliyeva şuranın gənc alimlərin problemlərinin həllində mühüm rol oynayacağını qeyd etdi. Gənc alim və mütəxəssislərə gələcək fəaliyyətlərində uğurlar arzulayan institut direktoru təklif və tövsiyələrini də səsləndirdi.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.