Gənc alim və mütəxəssislərin ikinci beynəlxalq elmi konfrası öz işinə başlayır
Noy 05 , 2019 | 12:00 / Mühüm hadisələr
Oxunma ( 2681 )

Gələn ilin mart ayında AMEA-nın Gənc Alim və Mütxəssislər Şurasının təşkilatçılığı ilə paytaxt Bakıda gənc alim və tələbələrin “Fundamental və tətbiqi elmlərinin (təbiət elmləri) müasir problemlərinin həllində multidissiplinar yanaşma” mövzusunda ikinci beynəlxalq elmi konfransın keçirilməsi nəzərdə tutulur. Tədbirin mövzusu ilə əlaqədar 6 panel üzrə gənc tədqiqatçıların elmi nəticələrinin təqdimatını hədəfləyən konfransda, həmçinin orta məktəblərdə araşdırmalar aparan məktəblilər də “Elmdə ilk addımlar” adlı əlavə paneldə əldə etdiklərin elmi yenilikləri nümayiş edə bilərlər. İlk dəfə 2014-cü ildə təşkil olunan ənənəvi beynəlxalq konfransın maliyyə dəstəkçisi Azərbaycan Milli Elmlər Akademiyası və SOCAR-ın Elm Fondudur. Konfransa müraciət etmək arzusunda olan gənc tədqiqatçılar (40 yaşadək) və orta məktəb şagirdləri aşağıdakı panellərə uyğun mövzular üzrə tezislərini 01 fevral 2020-ci il tarixinə qədər HYPERLINK "https://sites.google.com/view/2mic/home" https://sites.google.com/view/2mic/home saytındakı registrasiya bölməsindən qeydiyyatdan keçərək göndərə bilər. Konfransın panel mövzuları: İntellektual sistemlər və texnologiyalar Molekulyar biotexnologiya və gen mühəndisliyi Riyaziyyatın nəzəri və tətbiqi problemləri Nanotexnologiya və materialşünaslıq Tətbiqi kristollaqrafiya və yeni materiallar Xəzər dənizinin elmi və nəzəri multidissiplinar problemləri Elmdə ilk addım (Şagirdlər üçün xüsusi bir bölmə)

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.