13 və 15 dekabr 2016-cı il tarixlərində Azərbaycan Milli Elmlər Akademiyasının Əsas Binasının kiçik akt zalında Gənc Alim və Mütəxəssislər Şurasının elmi bölmələrinin 2016-cı il üzrə illik hesabat yığıncağı keçiriləcək. 13 dekabr saat 14.30-da Şuranın Fizika-Riyaziyyat və Texnika, Kimya , Humanitar və Gəncə bölmələrinin hesabat məruzələri dinləniləcək. 15 dekabr saat 14.30-da Biologiya və Tibb elmləri, Yer elmləri, İctimai elmlər, Naxçıvan bölməsi və Şəki Regional Elm Mərkəzinin hesabatı olacaq. 

Məlumat üçün qeyd edək ki, AMEA Gənc Alim və Mütəxəssislər Şurası təsis olunduğu vaxtdan indiyə qədər fəaliyyətində həmişə hesabatlılığa böyük önəm verir. Belə ki, Akademiyanın hər bir İnstitutun nəzdində olan yerli şuraların müvafiq bölmələr üzrə ümumiləşdirilmiş hesabatı həyata keçrilir. Sonra AMEA Gənc Alim və Mütəxəssislər Şurası geniş ictimayyətə nümunəvi hesabatını təqdim edir. Bu hesabat həm institutlarda yerli Şuralar tərəfindən gənclərlə bağlı görülən işlər, həm də AMEA-da həyata keçirilən elmi-ictimai tədbirləri özündə əks etdirir.