01-04 dekabr 2016-cı il tarixində Türkiyənin Antalya şəhərində Türk Eğitim – Sen və Uluslararası Eğitim Sendikaları Birliği (UAESEB) tərəfindən Hoca Əhməd Yəsəvinin ildönümünə həsr olunmuş “Uluslararası Türk Dünyası Eğitim Bilimleri ve Sosyal Bilimler Kongresi” keçirilib. Bu möhtəbər tədbirdə Azərbaycan Milli Elmlər Akademiyasını A.A.Bakıxanov adına Tarix İnstitutunun elmi işçisi Qafar-zadə Lamiyə Rasim qızı təmsil edib. Gənc tədqiqatçı konfransın elmi seksiyasında “Türk dili Azərbaycan Səfəvi Dövlətinin etnik mənsubiyyətinin markeri kimi (ingilisdilli tarixşünaslığın materialları əsasında)” mövzusunda məruzə ilə çıxış edib. Gənc alimin çıxışı auditoriya tərəfindən böyük maraqla qarşılanıb və o, sertifikat və araşdırmaçı ödülü ilə təltif edilib.