Dek 15 , 2016 | 05:00 / Mühüm hadisələr
15 Dekabr 2016-cı il tarixində Azərbaycan Milli Elmlər Akademiyası Gənc Alim və Mütəxəssislər Şurasının (GAMŞ) elmi bölmələrinin cari ilin yekunlarına həsr olunan hesabat yığıncağı davam etdi. İclası açan Şuranın sədri, dosent Famin Salmanov bildirdi ki, bu gün qalan 4 elmi bölmə rəhbəri hesabat verəcək. Sonra növbə ilə AMEA Şəki Regional Mərkəzi GAMŞ-nin sədri Rəhim Həsənov, GAMŞ İctimai elmləri bölməsinin katibi, dosent Bəxtiyar Cəlilov, GAMŞ Yer elmləri bölməsinin rəhbəri Vüqar Fərəcov və GAMŞ Tibb və biologiya elmləri bölməsinin katibi, b.ü.f.d. Ulduzə Mehvaliyeva məruzə ilə çıxış etdilər, rəhbərlik etdikləri bölməyə aid olan institutların yerli şuraları tərəfindən elmin təbliği, populyarlığının artırılması, gənclərin elmə həvəsləndirilməsi və sair istiqamətdə həyata keçirilən ictimai və elmi tədbirləri, gənclərinin beynəlxalq və yerli konfranslarda iştirakı, marifləndirmə seminarları haqqında geniş məlumat verdilər, Şura üzvlərinin suallarını cavablandırdılar.
Yekunda məruzəsi dinlənilən bölmələrin hesabatı da qəbul olundu.