Azərbaycan Milli Elmlər Akademiyası Aşqarlar Kimyası İnstitutunda magistratura pilləsi üzrə ixtisas fənlərindən qış imtahan sesiyasına start verilib. İnstitutun Təhsil Şöbəsindən verilən məlumata görə imtahanlar 5 yanvar tarixindən başlayıb, 25 yanvar tarixinə qədər davam edəcək.

Məlumatda deyilir ki, İnstitutda hazırda "Üzvi kimya" ixtisası üzrə bir nəfər magistr təhsil alır. Həmin magistrant ixtisasa aid 5 fənndən imtahan verəcək. İlk imtahan "Zərif üzvi sintez I" fənni üzrə keçrilib. Saat 10:00-da başlayan yazılı imtahanda magistrant iki saat ərzində 5 sualı cavablandırıb.