Magistraturada yeni ixtisaslar olacaq
Fev 10 , 2017 | 09:00 / ELMİN TƏBLİĞİ
Oxunma ( 1261 )

“Ali təhsilin magistratura səviyyəsi üzrə ixtisasların (ixtisaslaşmaların) Təsnifatı”nın, “Rezidenturada həkim-mütəxəssis hazırlığı aparılan ixtisasların Təsnifatı”nın və “Azərbaycan Respublikası Nazirlər Kabinetinin qüvvədən düşmüş bəzi qərarlarının Siyahısı”nın təsdiq edilməsi haqqında” Azərbaycan Respublikası Nazirlər Kabinetinin 2011-ci il 14 iyun tarixli 95 nömrəli qərarında dəyişikliklər edilib. Dəyişikliklə bağlı qərarı baş nazir Artur Rasi-zadə imzalayıb. 

Azərbaycan Respublikası Nazirlər Kabinetinin 2011-ci il 14 iyun tarixli 95 nömrəli qərarı ilə təsdiq edilmiş “Ali təhsilin magistratura səviyyəsi üzrə ixtisasların (ixtisaslaşmaların) Təsnifatı”nda aşağıdakı dəyişikliklər edilib:
1. “2. Humanitar və sosial ixtisaslar qrupu” bölməsinin “060204 Jurnalistika” ixtisasına “- Televiziya və radio yayımları menecmenti” sətrindən sonra “- İdman jurnalistikası” sətri əlavə edilib.
2. “8. Səhiyyə, rifah və xidmət ixtisasları qrupu” bölməsinin “060802 Bədən tərbiyəsi və idman” ixtisasında “- Bədən tərbiyəsi və idmanda tibbi-bioloji təminat və reabilitasiya” sətrindən “və reabilitasiya” sözləri çıxarılıb və həmin sətirdən sonra “- İdman tibbi və reabilitasiya” sətri əlavə edilib. 
Dəyişikliklə, “Ali təhsilin magistratura səviyyəsi üzrə ixtisasların (ixtisaslaşmaların) Təsnifatı”na İdman jurnalistikası və İdman tibbi və reabilitasiya ixtisasları əlavə olunub. Eyni zamanda magistratura səviyyəsində İdman jurnalistikası ixtisası və İdman tibbi və reabilitasiya ixtisası da tədris olunacaq.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.