Fevralın 22-də Azərbaycan Milli Elmlər Akademiyası Rəyasət Heyətinin növbəti iclası AMEA-nın Hüquq və İnsan Haqları İnstitutunda keçirilib. Rəyasət Heyəti AMEA-da gənc alim və mütəxəssislərin beynəlxalq əlaqələrinin daha da inkişaf etdirilməsi, onların elmi nəticələrinin “Springer”, “Elsevier”, “Scopus” və “Tomson Reuters” kimi nüfuzlu beynəlxalq elmi bazalara daxil olan jurnallarda nəşri istiqamətində fəaliyyətinin gücləndirilməsi, innovativ yönümlü tədqiqat işlərinin aparılması və digər məsələlərlə bağlı tapşırıqlar verib. AMEA-nın prezidenti, akademik Akif Əlizadə bildirib ki, bu məqsədlə müsabiqə təşkil edilsin.
Tədbirdə Şuranın 2017-ci il üçün illik Fəaliyyət planı da təsdiq olunub.