Fotos
Bir qrup alimə AMEA-nın professoru diplomları təqdim edilib
Sen 23 , 2017 | 11:27 / Mühüm hadisələr
Oxunma ( 2198 )

Sentyabrın 22-də Azərbaycan Milli Elmlər Akademiyası Rəyasət Heyətinin növbəti iclası keçirilib. 

Öncə dünya şöhrətli alim Lütfi Zadənin xatirəsi ehtiramla yad edilib, zəngin elmi irsinin əhəmiyyətindən söz açılıb.

Sonra AMEA-nın prezidenti, akademik Akif Əlizadə bir qrup alimə AMEA-nın professoru diplomlarını təqdim edib.

Daha sonra bir sıra elmi-təşkilati məsələlərə baxılıb.

Tədbirdə görkəmli elm xadimləri – kimya üzrə elmlər doktoru, professor Elmira Süleymanovanın və  geologiya-mineralogiya üzrə elmlər doktoru, AMEA-nın həqiqi üzvü Arif İsmayılzadənin 80 illik, geologiya-mineralogiya üzrə elmlər doktoru, AMEA-nın müxbir üzvü Çingiz Əliyevin 70 illik yubileylərinin qeyd olunması ilə bağlı qərarlar qəbul edilib. Azərbaycan elminin inkişafındakı xid­mət­lə­ri nəzərə alınaraq alimlərin AMEA-nın Fəxri Fərmanı ilə təltif edilməsi və yubileylərinə həsr olunmuş tədbirlərin keçirilməsi qərara alınıb. Digər qərarla görkəmli Azərbaycan alimi, fizika-riyaziyyat üzrə elmlər doktoru, professor, respublika Dövlət Mükafatı laureatı, Əməkdar elm xadimi, akademik Həsən Abdullayevin 100 illiyik yubileyinin qeyd olunması haqqında Azərbaycan Respublikasının Prezidentinin 14 iyul 2017-ci il tarixli Sərəncamının icrası ilə əlaqədar tədbirlər planı təsdiq edilib.

İclasda fizika-riyaziyyat üzrə elmlər doktoru, AMEA-nın həqiqi üzvü Əşrəf Hüseynovun 100 illik yubileyinə həsr olunmuş konfransın keçirilməsi də qərara alınıb.

Rəyasət Heyətinin növbəti qərarı ilə AMEA-nın Humanitar Elmlər BölməsiBürosunun yeni tərkibi təsdiq edilib. Bundan başqa, tanınmış şərqşünas-alim, akademik Vasim Məmmədəliyevin şərqşünaslıq elminin inkişafındakı müstəsna xidmətlərini nəzərə alaraq və anadan olmasının 75 illik yubileyi münasibətilə AMEA-nın Fəxri Fərmanı ilə təltif edilməsi, görkəmli alimin həyat və yaradıcılığına həsr olunmuş elmi sessiyanın keçirilməsi qərara alınıb.

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.