16 noyabr 2017-ci il tarixdə Bakı Dövlət Universitetində akademik Rəfiqə Əliyevanın 85 illik yubileyinə həsr olunmuş beynəlxalq konfrans işə başlayıb.

Konfransda 11 ölkənin nümayəndələrini iştirak etdiyi bildirilir. “Koordinasion birləşmələr nümayişi: Analitik kimyanın aktual problemləri” adlı konfransı görüş sözü ilə Bakı Dövlət Universitetinin rektoru akademik Abel Məhərrəmov açıb.

Plenar iclasda M.V.Lomonosov adına Moskva Dövlət Universitetinin kimya fakültəsinin dekanı V.V.Lunin, AMEA-nın vitse-prezidenti Dilqəm Tağıyev və digərləri çıxış edib.

Noyabrın 17-də konfrans işini seksiyalarda davam etdirib. AMEA Aşqarlar Kimyası İnstitutunun direktoru, akademik Vaqif Fərzəliyevin  moderatoru olduğu “Üzvi və polimer birləşmələr analitik kimyada” elmi seksiyasında 21 məruzə dinlənilib.