Fevralın 2-də Sumqayıt şəhərində “Park Palace”da “2 fevral  -  Azərbaycan Gəncləri Günü”nə həsr olunmuş tədbir keçirildi. Sumqayıt şəhər İcra Başçısının, elmi-ictimai, siyasi xadimlərin, o cümlədən Sumqayıt gənclərinin iştirak etdiyi tədbiri giriş sözü ilə Sumqayıt şəhər Gənclər və İdman İdarəsinin rəis əvəzi Mübariz Bəşirov açıb. Daha sonra Sumqayıt şəhər İcra başçısı Zakir Fərəcov Gənclər Gününün yaranma tarixindən, dövlət və gənclik münasibətindən, həmçinin 2017-ci il ərzində əldə edilən nailiyyətlərdən  geniş danışıb.

Çıxışların sonunda müxtəlif sahələrdə uğurlar qazanmış bir qrup gənc müxtəlif nominasiyalar üzrə fəxri fərmanla təltif olunublar. AMEA Polimer Materialları İnstitutunun Gənc Alim və Mütəxəssislər Şurasının üzvü, böyük elmi işçi Fatimə  Mustafayeva  “İlin gənc alimi” nominasiyasında Fəxri Fərmanla təltif edilib.