22 fevral AMEA Torpaqşünaslıq və Aqrokimya İnstitutunda Gənc Alim və Mütəxəssislər Şurasının təşkilatçılığı ilə ”26 fevral – Xocalı  soyqırımı”nın  26-cı  ildönümü  ilə bağlı anım tədbiri keçirilib. Tədbiri giriş sözü ilə AMEA Torpaqşünaslıq və Aqrokimya İnstitutunun direktoru  AMEA-nın müxbir üzvü Əlövsət Quliyev açıb. Xocalı şəhidlərinin əziz xatirələri  bir dəqiqəlik sükutla yad edildi. Direktor qeyd edib ki, Xocalı faciəsi ermənilərin Azərbaycan xalqına qarşı törətdikləri qətliamların ən dəhşətlisidir.

AMEA  Gənc Alim v əMütəxəssislər Şurasının sədri Famin Salmanov qeyd edib ki, bizim gənclərimiz bu gün Xocalı həqiqətlərini dünya ictimaiyyətinə çatdırılmasında mühim rol oynamalıdılar. Daha sonra Xocalı faciəsində yaxınlarını itirmiş, hadisənin şahidlərindən biri olan AMEA Genetik Ehtiyatlar İnstitutunun aparıcı elmi işçisi b.f.d. Əkbər Kərimov həmin gecənin dəhşətli xatirəsini tədbir iştirakçıları ilə bölüşüb. Tədbirin sonunda Xocalı soyqırımına həsr olunmuş “Danışan ruhlar” sənədli filmindən bir hissə nümayiş etdirilib.