Fotos
Gənc mütəxəssis M.V.Lomonosov adına Moskva Dövlət Universitetində keçirilən konfransda məruzə edib
Apr 19 , 2018 | 02:24 / Mühüm hadisələr
Oxunma ( 2875 )

9-13 aprel 2018-ci il tarixlərində Moskva şəhərində M.V.Lomonosov adına Moskva Dövlət Universitetində “Lomonosov” adlı gənc alim, tələbə və aspirantların XV Beynəlxcalq Elmi Konfransı keçirilmişdir. Bu tədbirdə Azərbaycan Milli Elmlər Akademiyasını təmsil edən Torpaqşünaslıq və Aqrokimya İnstitutunun “Torpaqların aqroekologiyası və bonitirovkası” laboratoriyasının elmi işçisi Günel Məmmədova konfransın seksiya iclasında "Muğan çölünün pambıq altında qalan torpaqlarının ekoloji xüsusiyyətləri” mövzusunda mərüzə etmişdir. Maraqla qarşılanan məruzə ətrafında geniş müzakirə aparılmış və konfrans iştirakçılarının Azərbaycanda pambıqçılığın mövcud vəziyyəti və ərazinin ekoloji  xüsusiyyətləri haqqında çoxsaylı suallar  cavablandırılmışdı.

Qeyd edək ki, Günel Məmmədovanın məruzəsi sertifikata layiq görülmüşdür.

Konfrans iştirakçıları .V.Lomonosov adına Moskva Dövlət Universitetinin “Torpaq muzeyi”ndə təşkil olunmuş ekskursiyada iştrak etmişlər.

 

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.