AMEA gənc alim və mütəxəssislərin institutlararası V Futbol Çempionatında 1/2 final qarşılaşmaları keçirilib. AMEA Rəyasət Heyəti ilə qarşılaşan AMEA Yüksək Texnologiyalar Parkının komandası yaşıl meydanı məğlub tərk edib. Hesab 4:2 olub. Son çempionatın qızıl medalçısı Fizika İnstitutunun komandası İqtisadiyyat İnstitutunun eyni adlı komandasından böyük fərqlə (8:3) üstün olmaqla, oyunda sürpriz nəticə qeydə alınmasına imkan verməyiblər.

Beləliklə, 14 may tarixində baş tutacaq final qarşılaşmasında AMEA Rəyasət Heyəti Fizika İnstitutu ilə V Çempionatın qalibini müəyyənləşdirəcəklər.

Şempionatın 3-cü yeri uğrunda isə AMEA İqtisadiyyat İnstitutu Yüksək Texnologiyalar Parkının komandası ilə mübarizə aparacaq. 

Final qarşılaşmadan dərhal sonra mükafatlandırma mərasimi keçiriləcək və qaliblərə I, II və III yerə uyğun diplom və pul mükafatları və kupok təqdim olunacaq.