Bu günlərdə AMEA Gəncə Bölməsində yeni monoqrafiya çap olunub. Azərbaycan Xalq Cümhuriyyətinin 100 illiyinə həsr edilmiş bu kitab “Azərbaycan Xalq Cümhuriyyətinin Gəncə Quberniyasından olan dövlət xadimləri” adlanır. 350 səhifədən ibarət olan monoqrafiyanın müəllifləri AMEA Gəncə Bölməsinin baş mütəxəssisi, Elm üzrə Prezident mükafatçısı Elnur Həsənov, Bölmənin mütəxəssisləri – Mətanət Əliyeva və Ayaz Hüseynovdur. Bu elmi əsərdə Azərbaycan Xalq Cümhuriyyətinin Gəncə şəhəri və Gəncəbasar bölgəsindən olan görkəmli hökumət nazirləri, Parlament üzvləri olmuş xadimlərinin həyat və fəaliyyətlərinə dair elmi faktlar öz əksini tapıb.