Abşeron rayonunun Saray qəsəbəsində yerləşən “Alimlər şəhərciyi”ndə (Science City) AMEA əməkdaşları üçün kooperativ yaşayış kompleksi tikilir. 7 hektarlıq ərazidə reallaşdırılacaq bu layihə çərçivəsində ümumulikdə 18 bloklu binanın tikilməsi planlaşdırılır.

Hazırda 12 mərtəbə, iki blok, 154 mənzildən ibarət olan ilk binanın beşinci mərtəbəsində tikinti işləri görülür.

Qeyd edək ki, ekoloji təmiz havası olan ərazidə yerləşən kompleksdə müvafiq sosial infrastrukturun yaradılması, həmçinin ictimai iaşə, məişət, məktəb, uşaq bağçası və digər xidmət obyektləri üçün qeyri-yaşayış sahələrinin də istifadəyə verilməsi nəzərdə tutulur.

“Science City” yaşayış kompleksində mənzilə sahib olmaq istəyən şəxslər www.sciencecity.az  saytına daxil olaraq daha ətraflı məlumat əldə edə və elektron müraciət formasını doldura bilərlər.

Qeyd edək ki, mənzillər elm və təhsil sahəsində çalışan əməkdaşlara sərfəli şərtlərlə təklif olunur.