AMEA Botanika İnstitutunun alimlərinin məqaləsi beynəlxalq jurnalda dərc edilib
Fev 07 , 2019 | 11:28 / Elmi nəşrlər
Oxunma ( 243 )

AMEA Botanika İnstitutunun direktoru, akademik Validə Əlizadə və həmin müəssisənin Gənc Alim və Mütəxəssislər Şurasının sədri, elmi işçi Aidə İbrahimovanın həmmüəllifi olduqları məqalə Britaniyanın Kyu Kral Botanika Bağının Minilliyin Toxum Bankı Tərəfdaşlığı (MTBT) tərəfindən hazırlanan "Samara" beynəlxalq jurnalında dərc edilib.

“Azərbaycanda Bitkilərin Qorunmasının Qlobal Srategiyası Hədəf 8-nə nail olmaq” sərlövhəli məqalədə ölkəmizin bitki və genetik müxtəlifliyinin qorunması üzrə xüsusilə endem, təhlükə altında olan və faydalı prioritet növlərin ex situ mühafizəsinə dair aparılan elmi-tədqiqat işlərinin nəticələri əks olunub. Tədqiqatlar Botanika İnstitutu ilə Minilliyin Toxum Bankı Tərəfdaşlığı arasında 2012-ci ildən başlayaraq Qafqaz florasının qorunması istiqamətində həyata keçirilən bir sıra layihələr çərçivəsində aparılıb.

Qeyd edək ki, jurnal MTBT-nin əməkdaşlıq etdiyi 70-dən çox ölkənin 300-dən artıq elmi təşkilatına göndərilir.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.