Mart 01 , 2019 | 12:45 / Elmi müsabiqələr
AMEA-nın Torpaqşünaslıq və Aqrokimya İnstitutunda Elm gününə həsr olunmuş Biologiya və Aqrar sahədə səmərəli tətbiq işi mövzusunda İnstitutun Gənc Alim və Mütəxəssislər Şurasının təşkilatçılığı ilə müsabiqə keçiriləcək. Müsabiqədə 40 yaşına qədər olan gənc alim və mütəxəssislər iştirak edə bilər. İştirakçılar müsabiqəyə təklif edilən tətbiq işi üzrə 5-10 dəqiqəlik təqdimatla çıxış edəcəklər. İştirakçı və tətbiq işi haqqında əvvəlcədən arayış təqdim olunmalıdır. Müsabiqədə iştirak etmək istəyənlər mövzularını 11 mart 2019-cu il 17:00-dək gams.torpaqsunasliq@gmail.com ünvanına göndərə bilərlər. Müsabiqə iştirakçıları sertifikatla və müsabiqənin qalibləri isə diplom ilə təltif ediləcək. Müsabiqə martın 14-ü saat 11:00-da AMEA Torpaqşünaslıq və Aqrokimya İnstitutunun Akt zalında (IV mərtəbə) keçiriləcək.