Apr 24 , 2019 | 01:40 / ELMİN TƏBLİĞİ
AMEA Aşqarlar Kimyası İnstitutunda aparılan elmi tədqiqatların səviyyəsinin yüksəldilməsi və alınan nəticələrin populyarlaşdırılması məqsədilə bir sıra həvəsləndirmə tədbirləri həyata keçiriləcək. Bu haqda İnstitutn direktoru, akademik Vaqif Fərzəliyev sərəncam imzalayıb. Sərəncama görə, elmi tədqiqatların nəticələri üzrə dərc olunan məqalələrin sayında “Thomson Reuters” bazasına daxil olan jurnallarda dərc olunan məqalələrin payı artırılmalıdır. Bunun üçün həmin bazaya daxil olan jurnallarda məqalələrin dərc olunmasını stimullaşdırmaq məqsədilə dərc olunan hər məqaləyə görə müəlliflərə 200 manat məbləgində mükafat veriləcək.
İnstitutun “Patent tədqiqatları və aşqarlar kimyası sahəsində elmi işlərin proqnozlaşdırılması” laboratoriyasının müdiri k.ü.f.d. Minaxanım Musayeva və baş mühasib Afiq Qurbanova bu sərəncamdan irəli gələn məsələlər həll etmək tapşırığı verilib.