AMEA Gənc Alim və Mütəxəssislər Şurasında Ümummilli lider Heydər Əliyevin anadan olmasının 96-cı ildönümünə həsr olunan “AMEA Gənc Alim və Mütəxəssislərin VI İnstitutlararası futbol çempionatı”nda həyəcan davam edir. Artıq qrup oyunlarına yekun vurulduqdan sonra yeni qaydalar əsasında -püşkatma ilə 1/4 finalda qarşılaşacaq komandaların adına aydınlıq gəlib. Belə ki, 02 may saat 12.00-da Respublika Seysmoloji Xidmət Mərkəzi - Iqtisadiyyat institutu qarşılaşması baş tutacaq. Geologiya və Geofizika İnstitutu Memarlıq və İncəsənət İnstitut ilə münasibətlərinə 3 may saat 12.00-də aydınlıq gətirəcək. Həmin gün saat 13.00-da Fizika ilə Idaretmə Sistemləri institutları arasında maraqlı yarışma keçiriləcək. 1/4 finalın son oyunu 6 may saat 13.00-da keçiriləcək. Bu oyunda AMEA Rəyasət Heyəti Neft Kimya Problemləri İnstitutu öz aralarında ən güclünü müəyyənləşdirəcəklər.