Fotos
AMEA Torpaqşünaslıq və Aqrokimya İnstitutunda Gənc Alim və Mütəxəssislər Şurasının növbəti iclası keçirilib
May 10 , 2019 | 11:00 / Mühim hadisələr
Oxunma ( 120 )

AMEA-nın Torpaqşünaslıq və Aqrokimya İnstitutundaGənc Alim və Mütəxəssislər Şurasının növbəti iclası keçirilib. Tədbirin əvvəlində Azərbaycan Respublikasının Dövlət Himni səsləndirilib. İclası giriş sözü ilə Torpaqşünaslıq və Aqrokimya İnstitutunun Gənc Alim və Mütəxəssislər Şurasının sədri Fərid Mustafayev açıb. Şura sədri bu günün  Şuşa şəhərinin  işğalı günü olduğunu qeyd edib və şəhidlərin ruhu bir dəqiqəlik sükutla yad edilib. Daha sonra İnstitutun direktoru, AMEA-nın müxbir üzvü Əlövsət Quliyev çıxış edərək gənclərlə görüşün əhəmiyyətindən danışıb.

Tədbirdə İnstitutunun Gənc Alim və Mütəxəssislər şurasının üzvləri - Cəmilə Adıgözəlli “Şuşa Azərbaycanın unikal mədəniyyət mərkəzlərindən biridir”, Nigar Mehdiyeva “Azərbayacan xalqının fədakar və qəhrəman olmasını sübut edən tarixi qələbə”, Günay Həsənova “Ulu Öndərin zəngin dövlətçilik irsi əbədiyaşardır” mövzusunda məruzə ilə çxış edib. Daha sonra TAİ Gənc Alim və Mütəxəssislər Şurasının İdarə Heyyətində dəyişikliklər edilib, Şuraya ikinci sədr müavini və yeni  katib seçilib. Həmçinin yarımillik hesabatlar və  cari məsələlər müzakirə edilib.

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.