15 may 2019-cu il tarixində Ümummili Lider HEYDƏR ƏLİYEVİN  anadan olmasinin 96-cı ildönümünə həsr olunmuş doktorant, magistrant və gənc tədqiqatçıların «Kimyanın aktual problemləri» XIII  Beynəlxalq  Elmi Konfransı keçirilib. Konfransı giriş sözü ilə BDU-nun prorektoru Aydın Kazımzadə açaraq konfransın əhəmiyyətindən danışmışdır. Bildirmişdir ki, konfransda 270-dən çox məruzə dinlənəcəkdir. Onlardan 20-yə qədəri Türkiyə, Portuqaliya, Rusiya və Gürcüstandan daxil olmuşdur. 120-si isə AMEA-nın kimya insititutları, Azərbaycan Dövlət Pedaqoji Universiteti, Azərbaycan Dövlət Neft və Sənaye Universiteti, Moskva Dövlət Universitetinin Bakı filialı, Naxçıvan Dövlət Universiteti, Gəncə Dövlət Universiteti, Lənkaran Dövlət Universiteti  və digər qurumlardan təqdim olunmuşdur. Plenar iclasda Namiq Şıxəliyev, Ofelya Balayeva və Elvin Məlikovun məruzələri dinlənilmişdir. Sonra konfrans öz işini bölmələr üzrə davam etdirmişdir.