Ölkə başçısı İlham Əliyevin Sərəncamı ilə Azərbaycan Respublikasının Prezidenti yanında Elmin İnkişafı Fondunun icraçı direktoru təyin olunan Mehriban İmanova qurumun kollektivinə təqdim edilib.

Təqdimetmə mərasimində Azərbaycan Respublikası Prezident Administrasiyasının Humanitar siyasət məsələləri şöbəsinin müdiri, professor Fərəh Əliyeva və Bakı Dövlət Universitetinin rektoru, fizika-riyaziyyat elmləri üzrə fəlsəfə doktoru Elçin Babayev iştirak ediblər.

F.Əliyeva Prezident İlham Əliyevin elmə daim xüsusi önəm verdiyini diqqətə çatdırıb, fondun yaranma tarixindən, ölkəmizdə elmin inkişafına verdiyi töhfələrdən söz açıb, tövsiyələrini verib.

E.Babayev isə öz növbəsində fondun beynəlxalq aləmdə nailiyyətlərinə toxunub, yeni icraçı direktora uğurlar arzulayıb.