AMEA Botanika İnstitutunun magistrı Elnarə İsgəndərli İtaliyanın Milli Tədqiqat Şurasının (İMTŞ) Turində yerləşən Davamlı Bitki Mühafizə İnstitutunda elmi ezamiyyətdə olub. Ezamiyyət AMEA Botanika İnstitutu və İMTŞ-nın Davamlı Bitki Mühafizəsi İnstitutu arasında bağlanılmış elmi əməkdaşlığa dair Saziş əsasında həyata keçirilib.

E.İsgəndərli prof. Dr.Massimo Turinonun rəhbərliyi ilə “Cryphonectria parasita göbələyinin populyasiyasında dsRNT-nin axtarışı və lakkaz aktivliyinin təyini” mövzusunda diplom işinin  bir hissəsini İMTŞ-nın Davamlı Bitki Mühafizə İnstitutunda tədqiq edib. Təcrübə müddətində Azərbaycanın müxtəlif rayonlarından toplanmış şabalıd ağacında parazitlik edən invaziv Cryphonectria parasitica nümunələri muasir metodlarla araşdırılmış, dsRNT-nin ayrılması və real time PZR ilə səciyyələndirilməsi metodu öyrənilmişdir.