Gənc alim Tacikistanda AMEA-nın gənclər siyasəti ilə bağlı təqdimat edib
Okt 01 , 2019 | 12:24 / Mühim hadisələr
Oxunma ( 21 )

Tacikistanın paytaxtı Düşənbə şəhərində Beynəlxalq Elmlər Akademiyaları Assosiasiyasının (BEAA) 32-ci iclası keçirilib.

İclası BEAA-nın rəhbəri, akademik Vladimir Qusakov açaraq qurumun fəaliyyəti haqqında məlumat verib.

Daha sonra tədbirdə 2019-2021-ci illər üçün iş planı və 2030-cu ilədək inkişaf bəyannaməsi müzakirə edilib. Bundan əlavə, Monqolustan Elmlər Akademiyasının tam hüquqlu, Heilongjiang və Shandong əyalətlərinin məhdud hüquqlu üzv kimi BEAA-ya daxil olması kimi bir sıra vacib məsələlərə baxılıb.

AMEA Rəyasət Heyəti aparatının Beynəlxalq əlaqələr idarəsinin MDB ölkələri ilə əlaqələr şöbəsinin müdiri, siyasi elmlər üzrə fəlsəfə doktoru Ruslan Qasımov BEAA-nın təşkilati və texniki şurasının üzvlərinin iclasında iştirak edib, üzv ölkələrin elmi-tədqiqat müəssisələri ilə əməkdaşlıq perspektivləri üzrə müzakirələr aparıb.

Tədbir çərçivəsində “Gənc alimlərin elm, innovasiyalar və texnologiyaların inkişafında rolu” mövzusunda keçirilən konfransda Molekulyar Biologiya və Biotexnologiyalar İnstitutunun gənc alimi Aytən Ağayeva AMEA-nın elmi fəaliyyəti və son illər əldə olunan nailiyyətləri, həmçinin Gənc Alim və Mütəxəssislər Şurası haqqında ətraflı məlumat verib.

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.