AMEA Geologiya və Geofizika İnstitutunun “Palçıq vulkanizmi” şöbəsinin aparıcı elmi işçisi, yer elmləri üzrə fəlsəfə doktoru, dosent Orxan Abbasovun və elmi işçisi Elnur Baloğlanovun həmmüəllifləri olduqları məqalə neft geologiyası sahəsində dünyanın ən reytinqli, Q1 kateqoriyalı jurnalı sayılan “Marine and Petroleum Geology” dərgisində çap olunub. Yerli və fransız alimlərin çoxillik tədqiqatlarıının nəticələrilə ərsəyə gələn “Mud volcano growth by radial expansion: Examples from onshore Azerbaijan” adlı məqalə palçıq vulkanlarının morfoloji formalarının əmələ gəlməsinə, o cümlədən vulkan qurğusunun təkamülü üçün yeni modellərın və qanunauyğunluqların müəyyənləşdirilməsinə həsr edilib.

 2016-cı ildən başlayaraq palçıq vulkanizmi problemilə bağlı tədqiqatları davam etdirən yerli və fransız alimlərin əldə etdikləri yeni analoji elmi nəticələr, həmçinin Avstriyada, Norveçdə, Fransada və Amerikada baş tutan dünyanın ən nüfuzlu elmi konfranslarında məruzə olunub.