10 oktyabr   tarixində AMEA Torpaqşünaslıq və Aqrokimya İnstitutunda “Açıq qapı” günü təşkil olunub. İnstitutun Gənc Alim və Mütəxəssislər Şurasının təşkilatçılığı ilə baş tutan bu elmi-kütləvi tədbirdə Azərbaycan Pedaqoji Universitetin Coğrafiya və Tarix-Coğrafiya fakültəsinin II kurs tələbələri fakultənin müəllimi Mehmanə Sadiqin rəhbərliyi iştirak ediblər. Tələbələr İnstitutun kitabxanası, Torpaq muzeyi və bəzi laboratoriyalar  ilə tanış olublar. Torpaq Muzeyinin mudiri a.e.ü.f.d. Rəna Mirzəzadə və institutun Gənc Alim və Mütəxəssislər Şurasının sədri Fərid Mustafayev tələbələrə geniş məlumat verib və onları maraqlandıran sualları cavablandırıblar.