Bu ilin sentyabr ayında İnstitutun “Yağlayıcı-soyuducu mayelərə aşqarlar” laboratoriyasın gənc mütəxəssisi Hüseyn Əlili Qətərdə İslam Əməkdaşlıq Gənclik Forumu (ICYF) və Qətərin Mədəniyyət və İdman Nazirliyi tərəfindən təşkil edilən, gənc novator və tədqiqatçıların elmi işlərinin nümayişi üçün qlobal bir platforma olan "Doha innovasiya-2019" adlı beynəlxalq konfransda iştirak edib. Gənc mütəxəssis 32 ölkədən 42 iştirakçı arasında Azərbaycandan olan yeganə nümayəndə olub. O, "Prostat spesifik membran antigeninin inhibitoru əsasında diaqnostik agentlərin məqsədli çatdırılması üçün suyun artırılması ilə sintez" magistr mövzusunda təqdimat edərək, Cenevrədən dəvət olunmuş münsiflər heyətinin rəyi əsasında bürünc medal və sertifikata layiq görülüb.