Noyabrın 20-də AMEA akademik M.Nağıyev adına Kataliz və Qeyri-Üzvi Kimya İnstitutunda Nəsimi rayonu 211 saylı tam orta məktəbin şagirdləri üçün “Açıq qapı” günü keçirilmişdir.

Tədbir çərçivəsində məktəblilər üçün müxtəlif laboratoriyalara ekskursiyalar təşkil edilmiş, onlar institutun  laboratoriyalarında quraşdırılan müasir cihaz və avadanlıqlarla yaxından tanış olmuşlar. Məktəblilər üçün “Analitik kimya “ laboratoriyasında müxtəlif əyləncəli təcrübələr nümayiş etdirilmişdir. Bundan başqa şagirdlərə institutun yaranma tarixi, burada çalışmış görkəmli Azərbaycan kimyaçıları, onların həyat və elmi fəaliyyətləri haqqında ətraflı məlumat verilmişdir.

Qeyd etmək lazımdır ki,  bu cür tədbirlərin keçirilməsində məqsəd şagirdlərin dünyagörüşünün formalaşdırılması, onlarda kimya elminə marağın artırılmasıdır.

.