Fotos
AMEA Genetik Ehtiyatlar İnstitutunun gənc mütəxəssisi Macarıstanda 2 aylıq ezamiyyətdə olub
Dek 12 , 2019 | 09:33 / Mühüm hadisələr
Oxunma ( 1259 )

Azərbaycan Milli Elmlər Akademiyası Genetik Ehtiyatlar İnstitutunun Molekulyar sitogenetika şöbəsinin elmi işçisi Ləman Namazova Macarıstanda 2 aylıq ezamiyyətdə olmuşdur.

O, Macarıstan Elmlər Akademiyasının Kənd Təsərrüfatı Tədqiqatları mərkəzinin Bitki Genetik Ehtiyatları şöbəsinin nəzdində fəaliyyət göstərən Sitogenetika laboratoriyasında tədqiqat aparmışdır.

Tədqiqat işinin əsas məqsədi yumşaq buğda ilə müxtəlif egilops növləri arasında alınmış hibrid kombinasiyalarını molekulyar sitogenetik metodlarla tədqiqi və hibrid bitkilərdə yadcinsli xromosomları ayırd etmək olmuşdur.

L.Namazova səfər zamanı “Yumşaq buğda ilə egilops arasındakı hibridlərdə genetik dəyişilmələrin molekulyar sitogenetik tədqiqi” dissertasiya mövzusuna uyğun olaraq T.aestivum × Ae.umbellulata və T.aestivum × Ae.neglecta kombinasiyalarında xromosom əlavəolunmaları müəyyən etmiş və identifikasiyasını aparmışdır. O, həmçinin bəzi molekulyar sitogenetik metodlar (FİSH və GİSH) mənimsəmiş və tədqiqatları sözügedən metodlar vasitəsilə həyata keçirmişdir.

 

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.