“İstedadların hazırlığı laboratoriyası” III Beynəlxalq Olimpiadanın qalibləri mükafatlandırılıb
Dek 16 , 2019 | 02:56 / Mühüm hadisələr
Oxunma ( 1168 )

Gənclər və İdman Nazirliyinin təşkilatçılığı və dəstəyi ilə keçirilən “İstedadların hazırlığı laboratoriyası” III Beynəlxalq Olimpiadanın qalibləri mükafatlandırılıblar.

Gənclər və İdman nazirinin müavini İntiqam Babayev mükafatlandırma mərasimində çıxış edərək bildirib ki, 2013-cü ildən başlayaraq hər il respublika səviyyəsində keçirilən olimpiadaya 2017-ci ildə beynəlxalq status verilib. Layihənin məqsəd riyazi və məntiqi düşüncəyə malik 14-16 yaşlı istedadlı gəncləri aşkar etmək, onların inkişafını stimullaşdıran tədbirlər həyata keçirməkdir. Layihə, həmçinin yeniyetmələr arasında dəqiq və təbii elmləri, eləcə də texniki sahələri təbliğ edir. 

Nazir müavini "İstedadların hazırlığı laboratoriyası”nın ölkəmizdə onlayn platformada fənn olimpiadalarının təşkili ilə bağlı ilk və yeganə təcrübə olduğunu qeyd edib. Bildirib ki, olimpiadada onlayn olaraq 10 mindən artıq məktəbli iştirak edib. Onların arasından seçilənlər yarışın final mərhələsinə vəsiqə qazanıblar.

Sonda “İstedadların hazırlığı laboratoriyası” Olimpiadasının qaliblərinə mükafatlar təqdim olunub. 

Qeyd edək ki, layihə Prezident İlham Əliyevin Sərəncamı ilə təsdiq edilmiş “Azərbaycan gəncliyi 2011-2015-ci illərdə” Dövlət Proqramına əsasən, yeniyetmələr və gənclər arasında elmə marağın artırılması, elmə həvəsləndirilməsi məqsədilə həyata keçirilib. Layihə çərçivəsində keçirilən olimpiada onlayn və əyani turlardan ibarət olub. 

 

Şurаnın fəaliyyətinin əsаs məqsədi AMEA üzrə fəaliyyət göstərən gənclərin еlmi pоtеnsiаlının аrtırılmаsı, müxtəlif təşəbbüslərinin stimullаşdırılmаsı, elmə axının təmin olunması, asudə vaxtlarının səmərəli keçirilməsinin təşkili,əldə еtdikləri еlmi yеniliklərin müxtəlif kütləvi informasiya vasitələrində işıqlandırılması, onlara mеtоdiki, infоrmаsiyа yаrdımının göstərilməsi və s. həyata keçirlməsindən ibarətdir. Şurаnın fəaliyyətinə həmçinin, elmin respublika üzrə təbliğ edilməsi və Azərbaycan elminin dünya elminə inteqrasiyasının sürətləndirilməsi məsələləri daxildir.